არტისტი
იცხოვრე ყოველი წამით ყოყმანის გარეშე.
თუ ვინმე სპონტანურად სიმღერასა და ცეკვას დაიწყებს, ეს ESFP პიროვნების ტიპის (არტისტები) წარმომადგენლები იქნებიან. მათ მომენტის აღტკინება იტაცებთ და სურთ, სხვებმაც იგივე იგრძნონ. არც ერთი სხვა ტიპი არ არის ასეთი გულუხვი საკუთარი დროისა და ენერგიის გაცემაში, როდესაც საქმე სხვების წახალისებას ეხება და არც ერთი სხვა ტიპი არ აკეთებს ამას ასეთი მომხიბვლელი სტილით.
გატაცებით ცხოვრება
არტისტები, ანუ ESFP-ები, მიდრეკილნი არიან სხვების წინაშე წარმოდგენის მოწყობისკენ და, როგორც წესი, თავს კომფორტულად გრძნობენ ყურადღების ცენტრში. თუმცა, მათ თავდაჯერებულობას განაპირობებს არა ყურადღების ცენტრში ყოფნის სიყვარული, არამედ სხვადასხვა სიტუაციაში შესაფერისი ქცევის შეგრძნების უნარი. მათ აქვთ გარშემომყოფთა ქცევების გასაოცარი მიბაძვის უნარი.
ESFP-ები ნამდვილად ტკბებიან მარტივი რამეებით და მათთვის არ არსებობს უფრო დიდი სიხარული, ვიდრე მეგობრებთან ერთად გართობა. ამ ტიპის ადამიანები თითქმის ყოველთვის ამჯობინებენ მეგობრებთან ყოფნას მარტო დროის გატარებას. თავიანთი უნიკალური და მიწიერი იუმორის წყალობით, მათ უყვართ ყურადღების ცენტრში ყოფნა და ნებისმიერი შეკრების წვეულებად გადაქცევა.
ეს მხოლოდ სიტყვები არ არის – ESFP-ებს ყველა პიროვნების ტიპს შორის ყველაზე ძლიერი ესთეტიკური გრძნობა აქვთ. დაწყებული გარეგნული იერსახითა და ჩაცმულობით, დამთავრებული კარგად მოწყობილი სახლით, მათ მოდის კარგი ალღო აქვთ. მათთვის მყისიერად გასაგებია, რა არის მიმზიდველი და არ ერიდებიათ გარემოს შეცვლა საკუთარი სტილის შესაბამისად. ეს ტიპი ბუნებრივად ცნობისმოყვარეა და სიამოვნებით იკვლევს ახალ დიზაინებსა და სტილებს.
მიუხედავად იმისა, რომ ყოველთვის ასე არ ჩანს, ეს პიროვნებები აცნობიერებენ, რომ ყველაფერი მათ გარშემო არ ტრიალებს – ისინი დაკვირვებული და სხვების ემოციების მიმართ ძალიან მგრძნობიარე ადამიანები არიან. ხშირად პირველები ეხმარებიან სხვებს რთული პრობლემების განხილვაში, სიამოვნებით უწევენ ემოციურ მხარდაჭერას და აძლევენ პრაქტიკულ რჩევებს. თუმცა, როდესაც პრობლემა მათ ეხებათ, უფრო მეტად ერიდებიან კონფლიქტს, ვიდრე პირდაპირ უმკლავდებიან მას. ამ ტიპის პიროვნებებს, როგორც წესი, უყვართ მცირე დრამატიზმი და ვნება, მაგრამ არა მაშინ, როცა თავად ხდებიან კრიტიკის სამიზნე.
სპონტანური სული
მათ წინაშე მდგარი უდიდესი გამოწვევა ისაა, რომ ხშირად იმდენად ფოკუსირებულნი არიან მყისიერ სიამოვნებაზე, რომ უგულებელყოფენ იმ მოვალეობებსა და პასუხისმგებლობებს, რომლებიც ამ ფუფუნებას შესაძლებელს ხდის. რთული ანალიზი, განმეორებადი დავალებები და სტატისტიკის რეალურ შედეგებთან დაკავშირება არ არის ადვილი საქმიანობა ESFP ტიპის პიროვნებებისთვის. ისინი უფრო მეტად სპონტანურ შესაძლებლობებს ეყრდნობიან ან უბრალოდ დახმარებას სთხოვენ მეგობრების ფართო წრეს. მნიშვნელოვანია, რომ ESFP-ებმა საკუთარ თავს გამოწვევა გაუწიონ და თვალყური ადევნონ გრძელვადიან საკითხებს, როგორიცაა საპენსიო გეგმები ან შაქრის მოხმარება – ყოველთვის არ იქნება ვინმე ახლოს, ვინც ამ საკითხებს მიხედავს.
ESFP-ები აფასებენ ღირებულებასა და ხარისხს, რაც თავისთავად კარგი თვისებაა. თუმცა, ცუდი დამგეგმავების მიდრეკილებასთან ერთად, ამან შეიძლება გამოიწვიოს იმაზე მეტის ხარჯვა, ვიდრე მათ შეუძლიათ, და საკრედიტო ბარათები განსაკუთრებით სახიფათოა. რადგან ისინი უფრო მეტად შესაძლებლობების გამოყენებაზე არიან ფოკუსირებულები, ვიდრე გრძელვადიანი მიზნების დაგეგმვაზე, მათმა უყურადღებობამ შეიძლება ზოგიერთი აქტივობა მათთვის ხელმიუწვდომელი გახადოს.
ESFP-ები ყველგან სიხარულით ხვდებიან, სადაც სიცილის, მხიარულების ან რაიმე ახლის გამოცდის საჭიროებაა – მათთვის უდიდესი ბედნიერებაა, როცა სხვებსაც აჰყავთ თან. ისინი ხშირად საათობით ლაღად საუბრობენ იმაზე, რაც თავში მოუვათ, და სრულიად იზიარებენ საყვარელი ადამიანების ემოციებს მათი ცხოვრების მაღალ თუ დაბალ წერტილებში. თუ კი მოახერხებენ, რომ ყოველდღიურ ცხოვრებაში მეტი ორგანიზებულობა შეიტანონ, ყოველთვის მზად იქნებიან გადაშლიან ფრთებს ყველასთვის სახალისო, მრავალფეროვან აქტივობებში.