Þegar öll veröldin er hljóð getur ein rödd orðið áhrifarík.

Fólk með ENFJ-persónuleikann (Protagonisti) finnur hjá sér köllun til að starfa í þágu stærri málstaðar. Hugulsöm og hugsjónafull leitast ENFJ-ar við að hafa jákvæð áhrif á annað fólk og á heiminn allan. Þær vísa sjaldnast frá sér tækifærum til að gera rétt – jafnvel þó það geti verið erfitt.

Aðalpersónur eru fæddir leiðtogar og því ekki óalgengt að finna þær í hópi stjórnmálamanna, þjálfara eða kennara. Ástríða þeirra og persónutöfrar kveikja innblástur hjá öðrum, ekki aðeins í starfi heldur á öllum sviðum lífsins, þar á meðal í samböndum þeirra. Fáir hlutir færa fólki með ENFJ-persónuleikann meiri gleði og uppfyllingu en að styðja vini og fjölskyldu til vaxtar og sjálfsþroska.

Að standa með því sem er rétt

ENFJ-persónur eru óhræddar við að lýsa yfir gildum sínum, þar á meðal einlægni og hjartahlýju. Ef þeim finnst eitthvað rangt þá láta þær í sér heyra – en þær njóta þess sjaldnast að vera álitnar frekar eða ágengar, þar sem hlýja og innsæi þeirra leiðir þær til að tala þannig að aðrir nái tengingu við boðskapinn.

ENFJ-persónur hafa sérstakt lag á að nema undirstöðutilfinningar og hvatir fólks, jafnvel með því einu að líta á svipbrigði þess. Stundum vita þær ekki sjálfar hvernig þær fóru að því að sjá svona fljótt inn í hugarheim einhvers. Þetta snögga innsæi getur gert þær að ótrúlega sannfærandi og hvetjandi málflytjendum.

Dulinn lykill Aðalpersóna er einlægur og skýr tilgangur þeirra. Yfirleitt eru ENFJ-ar ekki knúin áfram af valdagirnd heldur af einlægum vilja til að gera hið rétta. Jafnvel þegar þau eru ósammála einhverjum reyna þau að finna sameiginlegan grundvöll. Afleiðingin er sú að ENFJ persónuleikatýpur geta tjáð sig af þvílíkri málsnilld og nærgætni að erfitt er að hunsa – sérstaklega þegar þau ræða um málefni sem eru þeim hjartfólgin.

Taka þátt

Þegar Aðalpersónur bera umhyggju fyrir einhverjum vilja þær hjálpa viðkomandi að leysa vandamál sín – stundum sama hvað það kostar. Góðu fréttirnar eru þær að margir eru þakklátir fyrir þessa aðstoð og ráðgjöf. Enda er ástæða fyrir því að þessar persónugerðir hafa orð á sér fyrir að hjálpa öðrum að bæta líf sitt.

En það að blanda sér í vandamál annarra er ekki alltaf uppskrift að velgengni. ENFJ-ar hafa tilhneigingu til að hafa skýra sýn á hvað fólk getur eða ætti að gera til að bæta sig, en ekki eru allir tilbúnir að gera slíkar breytingar. Ef þau ýta of fast á, geta ástvinum þeirra fundist þau dæma sig á ósanngjarnan hátt. Og þó að þessi persónuleikagerð sé þekkt fyrir að vera innsæisrík, geta jafnvel vitrastu ENFJ-ar stundum misskilið aðstæður eða óvart gefið slæm ráð.

Að taka forystuna

Fólk með þennan persónuleika eru helgaðir mannvinir, tilbúnir að mæta mótlæti til að standa með fólkinu og hugsjónunum sem þau trúa á. Þessi sterka sannfæring styrkir getu ENFJ-einstaklinga til að leiða aðra til að vinna saman í þágu almannahags.

En stærsta gjöf þeirra gæti falist í því að leiða með fordæmi. Í hversdagslífinu sýna ENFJ-ar að venjulegar aðstæður má leysa með miskunnsemi, alúð og einlægri umhyggju. Fyrir þessar persónur eru jafnvel smávægilegustu ákvarðanir og athafnir dagsins – allt frá því hvernig þau eyða helginni til þess sem þau segja við samstarfsfélaga í erfiðleikum – tækifæri til að ryðja brautina til betri framtíðar.