Sürətli düşüncəli və cəsarətli ENTP şəxsiyyət tipli insanlar (Debatçılar) mövcud vəziyyətlə razılaşmamaqdan qorxmurlar. Əslində, onlar istənilən şey və ya şəxslə razılaşmamaqdan qorxmurlar. Ən kiçik polemika belə onları canlandırır və mövzu qalmaqallı istiqamətə yönəldikdə, lap əla olur.

Bununla belə, ENTP-ləri narazı və ya bədniyyətli insan kimi düşünmək düzgün olmaz. Həqiqətdə, bu şəxslər bilikli, maraqlı və oynaq yumor hissinə sahibdirlər və olduqca əyləncəli ola bilərlər. Onların əyləncə anlayışı qeyri-adi və müxalifdir – burada adətən canlı mübahisələrə yer var.

Qaydaları Sındırmaq

Təhlükəli və müstəqil düşüncə yolunu izləyin. Fikirlərinizi mübahisənin təhlükəsinə atın.

ENTP-lər üsyankar zolaqları ilə tanınırlar. Bu şəxsiyyət tipi üçün heç bir fikir “toxunulmaz” deyil, heç bir ideya “fundamental həqiqət” hesab olunmur və heç bir qayda sınanmadan “müqəddəs” sayılmır. Bu, ENTP-ləri düşüncəsiz və ya tərs kimi göstərə bilər, amma əslində onların qaydaları sındırma meyli daha çox yenilik və dəyişiklik arzusundan qaynaqlanır.

Onların fikrincə, əksər insanlar çox asanlıqla deyilənlərə əməl edirlər və ictimai normalara, sosial təzyiqlərə və standartlara kor-koranə boyun əyirlər. ENTP-lər standart düşüncəni sorğulamaqdan ağıla gəlməz həzz alırlar və “səhnə arxası”ndakı unikal və bəlkə də layiqincə qiymətləndirilməmiş ideyaların dəyərini üzə çıxarırlar. Beyinləri qəbullanılmış bir çox düşüncəni yenidən dəyərləndirir və onları yeni, daha maraqlı istiqamətlərə aparır.

ENTP-lər beyin fırtınasını və böyük düşüncələri sevsələr də, çox vaxt öz ideyalarını gerçəkləşdirmə prosesinə fəal şəkildə qoşulmamağa çalışırlar, həm də prioritetlərinə sadiq qalmaq onlar üçün çətindir. Bu, bir tərəfdən başa düşüləndir – onların diqqətini cəlb edəcək çoxsaylı fikir və təkliflər var və hamısını idarə etmək mümkün deyil. Amma ENTP-lər əsas prioritetlərini müəyyənləşdirib onlara ardıcıl şəkildə əməl etməyi öyrənməsələr, öz tam potensiallarından yararlanmaqda çətinlik çəkə bilərlər.

Müxalif Olmağın Dəyəri

ENTP-lərin mübahisə qabiliyyəti əfsanəvi olsa da, bu, həmişə faydalı olmur. Müdirlərini açıq şəkildə sorğuladıqları, yaxud partnyorlarının hər dediyini təftiş etdikləri zaman, bu kəskin zəkaya sahib insanlar özlərini rasional düşüncənin və məntiqin carçısı hesab edə bilərlər. Amma elə ola bilər ki, bu davranış onların uğur və xoşbəxtlik şanslarını elə də artırmasın.

Hər müzakirə bu şəxsiyyət tipinin standart müxalif davranışına uyğun deyil və insanların çoxu öz inancının sorğulanmasına və hisslərinin gözardı edilməsinə uzun müddət dözə bilməz. Nəticədə, ENTP-lər mübahisə əsnasında çox əylənsələr də, istəmədən də olsa, bir çox körpünü yandıra bilərlər. Bu şəxsiyyətlər öz baxışları, özünəinamları, bilikləri və iti yumor hissləri ilə hörmət qazanırlar – amma eyni zamanda, duyarlılıq göstərməsələr, dərin münasibətlər qurmaqda və hətta peşəkar məqsədlərinə çatmaqda çətinliklə üzləşə bilərlər.

Vaxt keçdikcə, bir çox ENTP-lər anlayırlar ki, onların ideal həyatı digər insanları da əhatə edir və mübahisələrdə “qalib” gəlməyə həddən artıq çox enerji sərf etmək, sonda onları həyatda olmaq istədikləri yerdən uzaqlaşdıra bilər. Yaxşı xəbər isə odur ki, bu şəxsiyyət tipi öz iti, müxalifyönlü baxışlarını heç vaxt itirməyəcək. Onlar sadəcə idrak çevikliyindən istifadə edərək başqalarının baxış bucağını dərk və araşdırır, məntiq və irəliləyişlə yanaşı, diqqət və kompromisin dəyərini də qəbul edirlər.