აქტივისტი ENFP-A / ENFP-T
არ მაინტერესებს რითი ირჩენ თავს. მინდა ვიცოდე, რისკენ მიილტვი – და გაბედავ თუ არა იოცნებო შენს მისწრაფებაზე.
აქტივისტები (ENFP) თავისუფალი სულის მქონე ადამიანები არიან – კომუნიკაბელურები, გულღია და ფართო თვალთახედვის მქონეები. ცხოვრებისადმი ოპტიმისტური მიდგომით ისინი გამოირჩევიან ბრბოსგან. თუმცა მიუხედავად იმისა, რომ შეიძლება მხიარულებით სავსეები იყვნენ, აქტივისტებს არ ანაღვლებთ კარგი დროის გატარება. ხასიათის ამ ტიპის მქონე ადამიანები უფრო მძაფრად გრძნობენ და მიისწრაფვიან ადამიანებთან აზრიანი, ემოციური კავშირების დამყარებისკენ.
ყოველდღიური ცხოვრების ჯადოსნურობა
მეგობრული და კომუნიკაბელური აქტივისტი ისწრაფვის ურთიერთობებისა და სოციალური ცხოვრების მრავალფეროვნებისკენ. თუმცა სოციალური, კომუნიკაბელური შესახედაობის უკან, მრავალფეროვანი, ხასხასა შინაგანი სამყაროც იმალება. წარმოსახვის, კრეატიულობისა და ცნობისმოყვარეობის ჯანსაღი დოზის გარეშე აქტივისტი უბრალოდ ვერ იქნებოდა აქტივისტი.
თავისებურად აქტივისტები შეიძლება საკმაოდ ინტროსპექტიულები იყვნენ. მათ არ შეუძლიათ არ იფიქრონ ცხოვრების უფრო ღრმა აზრსა და მნიშვნელობაზე მაშინაც კი, როცა სხვა რამეს უნდა აქცევდნენ ყურადღებას. ხასიათის ამ ტიპის მქონე ადამიანებს სჯერათ, რომ ყველა და ყველაფერი ერთმანეთთან არის დაკავშირებული და ცხოვრობენ იმ წვრილმანებისთვის, რომლებიც ამ კავშირებიდან შეუძლიათ მიიღონ.
როდესაც მათ ფანტაზიას რაღაც აღვივებს, აქტივისტებს შეუძლიათ გამოიჩინონ ენთუზიაზმი, რომელიც საოცრად გადამდებია. ხასიათის ამ ტიპის მქონე ადამიანები პოზიტიურ ენერგიას ასხივებენ, რომელიც სხვა ადამიანებს იზიდავს. აქტივისტებმა შეიძლება აღმოაჩინონ, რომ თანამოაზრეები მათ ლიდერად ან გურუდ აღიქვამენ. თუმცა მას შემდეგ, რაც შთაგონების თავდაპირველი წყარო ამოიწურება, აქტივისტებს შესაძლოა თვითდისციპლინისა და თანმიმდევრულობის პირისპირ ბრძოლაში მოუწიოთ ჩართვა, დაკარგონ ენერგია იმ პროექტებზე სამუშაოდ, რომელიც აქამდე ძალიან მნიშვნელოვანი იყო მათთვის.
სიამოვნების ძიება
აქტივისტი ნამდვილი მაგალითია იმისა, რომ ცხოვრებისეული სიამოვნებისა და ტკბობის ძიება არ არის ზედაპირული საქციელი. თვალის ერთი დახამხამებაში მათ შეუძლიათ მგზნებარე იდეალისტებიდან საცეკვაო მოედანზე მყოფ უდარდელ სუბიექტებად იქცნენ.
მხიარულების მომენტებშიც კი, აქტივისტებს ემოციური კავშირის დამყარება სურთ სხვებთან. ძალიან ცოტა რამ თუ ახარებთ ისე, როგორც გულწრფელი, გულახდილი საუბრები იმ ადამიანებთან, რომლებსაც აფასებენ. აქტივისტებს სწამთ, რომ ყველა იმსახურებს საკუთარი გრძნობების გამოხატვის საშუალებას, ხოლო მათი ემპათიის უნარი და სითბო ისეთ სივრცეს ქმნის, სადაც ყველაზე მორცხვებიც კომფორტულად გრძნობენ თავს და მზად არიან გულახდილობისთვის.
თუმცა ხასიათის ამ ტიპის მქონე ადამიანები ფრთხილად უნდა იყვნენ. აქტივისტის ინტუიციამ შეიძლება შესაძლებლობა მისცეს მას ამოიცნოს ადამიანის ქმედებები და საქციელები. ახსნა-განმარტების მოთხოვნის ნაცვლად, აქტივისტები შეიძლება საგონებელში ჩავარდნენ სხვების სურვილების ან განზრახვების გამო. მსგავსი ტიპის სოციალური სტრესი სწორედ ისაა, რაც ჰარმონიაზე ორიენტირებულ აქტივისტებს დაძინების საშუალებას არ აძლევს.
აქტივისტები დიდ დროს ხარჯავენ სხვადასხვა ურთიერთობის, გრძნობისა და იდეის აღმოჩენაში მანამ, სანამ არ იპოვიან გზას, რომელიც სწორად მიაჩნიათ. თუმცა მას შემდეგ, რაც საბოლოოდ მოიძიებენ ამ გზებს, მათმა წარმოსახვამ, ემპათიამ და გამბედაობამ შეიძლება არა მხოლოდ მათ ცხოვრებას მოჰფინოს ნათელი, არამედ მათ გარშემო არსებულ სამყაროსაც.