Macəraçı ISFP-A / ISFP-T
Gün ərzində dəyişirəm. Yuxudan oyananda olduğum insanla və yatmağa gedərkən olduğumun eyni olmadığından əminəm.
Macəraçılar (ISFP) əsl sənətkarlardır – baxmayaraq ki, bu, şərti mənada deyil. Bu şəxsiyyət tipinə görə həyat özü özünü ifadə etmək üçün bəyaz lövhədir. Macəraçılar geyimlərindən tutmuş asudə vaxtlarını necə keçirmələrinə qədər, unikal fərdlər kimi kim olduqlarını parlaq şəkildə əks etdirən şəkildə fəaliyyət göstərirlər.
Və şübhəsiz ki, hər bir Macəraçı bənzərsizdir. Marağı ilə idarə olunan və yeni şeyləri sınamağa can atan bu şəxsiyyətə sahib insanlar çox vaxt heyranedici dərəcədə ehtirasa və marağa malik olurlar. Kəşfiyyatçı ruhları və gündəlik həyatda xoşbəxtlik tapmaq bacarığı ilə Macəraçılar indiyə qədər qarşılaşdığınız ən maraqlı insanlar arasında ola bilərlər. Tək ironiya nədir? Təvazökar və sadə Macəraçılar özlərini "sadəcə öz işlərini yerinə yetirənlər" kimi görürlər, buna görə də əslində nə qədər diqqətəlayiq olduqlarının fərqinə varmaya bilərlər.
Açıq fikirli olmağın gözəlliyi
Macəraçılar həyata qarşı çevik, uyğunlaşan bir yanaşmaya malikdirlər. Bəzi şəxsiyyət tipləri ciddi nizam-intizam və qaydalar əsasında inkişaf etsə də, Macəraçılar belə deyil. Macəraçılar hər günü olduğu kimi qəbul edir, o an onlara uyğun gələn gələni edirlər. Və həyatlarında gözlənilməz şəkildə baş verəcək hadisələr üçün çox yer saxladıqlarından əmin olurlar - bunun nəticəsində ən dəyərli xatirələrinin çoxu istər təkbaşına, istərsə də sevdikləri ilə birlikdə kortəbii ani qərar verilən səyahətlər və macəralardır.
Bu çevik zehniyyət Macəraçıları olduqca dözümlü və açıq fikirli edir. Bu şəxsiyyətlər hər tip insanlarla, hətta onlarla eyni fikirdə olmayan və ya tamamilə fərqli həyat tərzi ilə seçilən insanlarla dolu bir dünyada yaşamağı həqiqətən sevirlər. Təəccüblü deyil ki, macəraçıların qərarlarını dəyişdirməyə və fikirlərini yenidən formalaşdırmağa qeyri-adi şəkildə açıqdırlar. Hər hansı bir şəxsiyyət tipi nəyəsə (və ya kiməsə) ikinci şans verməyə inanırsa, bu, Macəraçılardır.
Bütün bunlarla bərabər, Macəraçıların hər şəraitə uyğunlaşan zehniyyətinin bəzi mənfi cəhətləri ola bilər. Bu şəxsiyyət tipinə malik insanlar uzunmüddətli planlara nəinki sadiq qalmaqda, hətta qurmaqda da çətinlik çəkə bilərlər. Nəticə etibarilə, Macəraçılar hədəflərinə nail olmaq mövzusunda olduqca bulanıq baxış bucağına sahib olurlar və onlar tez-tez digər insanları incitmək barədə narahatlıq hissi keçirirlər. Macəraçılar həyatlarına kiçik bir nizam-intizam əlavə etməyin azad ruhlarını sarsıtmadan özlərini daha bacarıqlı və mütəşəkkil hiss etmələrinə kömək edəcəyini görə bilərlər
Harmoniyada yaşamaq
Macəraçılar münasibətlərində mülayim, mehriban və qayğıkeşdirlər, ən yaxınlarının və sevdiklərinin yanında olmaqdan ürəkdən həzz alırlar. Lakin səhv etməyin: bu, introvert şəxsiyyət tipidir, yəni Macəraçıların başqaları ilə ünsiyyətdən sonra enerji toplamaq üçün tək zaman keçirməyə ehtiyacları var. Tək keçirilən bu vaxt Macəraçılara şəxsiyyətləri hissini bərpa etməyə, başqa sözlə, həqiqətən olduqları insan ilə yenidən əlaqə qurmağa imkan verir.
Yaradıcı və azad ruhlu Macəraçılar öz qurduqları yoldan gedirlər və digər insanların onlar barədə nə düşündüklərinə xüsusilə əhəmiyyət vermədiklərini təxmin etmək asandır. Lakin bu belə deyil – Məcaraçılar düşüncəli və diqqətlidirlər, insanların deyilməmiş hisslərini və fikirlərini anlamağı bacarırlar və sevilmədiklərini, bəyənilmədiklərini və ya təqdir edilmədiklərini hiss etməkləri onları məyus edə bilər. Tənqidlə qarşılaşdıqda, bu şəxsiyyət tipinə sahib insanlar üçün emosiyaların təsirinə qapılmamaq çətin ola bilər. Əgər sərt və ya ədalətsiz görünən tənqidlərlə qarşılaşsalar, olduqca əsəbiləşə bilərlər.
Bununla belə, yaxşı tərəflər də var: Macəraçılar indiki zamanda yaşayırlar və onlar keçmiş kədərlərə və ya məyusluqlara məhəl qoymamaq lazım olduğunun fərqindədirlər. Bu şəxsiyyət tipinə sahib insanlar hər şeyin necə fərqli ola biləcəyinə fokuslanmaq əvəzinə, həyatda doğru olanı olduğu kimi qiymətləndirmək üçün inanılmaz qabiliyyətə malikdirlər. Macəraçılar baxdıqları hər yerdə digər insanların nəzərdən qaçıra biləcəyi gözəllik və həzz qaynaqları tapa bilərlər və bu baxış bucağı dünya ilə paylaşdıqları möhtəşəm töhfələrdən yalnız biridir.